Vergi xidmətləri
Vergi öhdəliklərinizi düzgün hesablayır, bəyannamələri vaxtında təqdim edir və vergi orqanı ilə yazışmaları sizin adınızdan aparırıq.
Sizin üçün görəcəyimiz işlər
Vergi bəyannamələri
ƏDV, mənfəət, gəlir, sadələşdirilmiş vergi, əmlak, torpaq və muzdlu iş üzrə vahid bəyannamə.
Kameral yoxlama və sorğular
Kənarlaşma məktublarına əsaslandırılmış izahat, dəqiqləşdirilmiş bəyannamələr, sənəd sorğularına vaxtında cavab.
Vergi rejiminin seçimi
ƏDV qeydiyyatı, sadələşdirilmiş vergi və 200 000 manat həddinin aylıq izlənməsi.
Vergi planlaması
Qanunla nəzərdə tutulmuş güzəşt və azadolmaların düzgün tətbiqi, vergi yükünün qanuni optimallaşdırılması.
Şəxsi hesab vərəqəsi
Borcların, faizlərin və artıq ödənişlərin mənbəyini aydınlaşdırır, üzləşmə aparırıq.
Vergi mübahisələri
Vergi orqanının qərarlarına etiraz və şikayətlərin hazırlanması, mövqeyinizin əsaslandırılması.
Vergi risklərinin qiymətləndirilməsi
Bəyannamələrin və uçotun yoxlanılması, potensial sanksiya risklərinin vergi orqanından əvvəl aşkarlanması.
Güzəşt və təşviqlər
İnvestisiya təşviqi sənədi, startap şəhadətnaməsi, mikro sahibkar arayışı və digər güzəştlərin rəsmiləşdirilməsi.
Fiziki şəxslər üçün
Əmlakın icarəsi və satışından vergi, gəlir bəyannaməsi, qeyri-rezidentlərin vergi öhdəlikləri.
Bu xidmət sizə uyğundur, əgər…
Biznesinizin ölçüsündən asılı olmayaraq, işi sizin ehtiyacınıza uyğun qururuq.
- Məhdud Məsuliyyətli Cəmiyyətlər (MMC)
- Fərdi sahibkarlar
- ƏDV ödəyiciləri
- Sadələşdirilmiş vergi ödəyiciləri
- Yeni fəaliyyətə başlayan bizneslər
- Xarici şirkətlərin nümayəndəlikləri
Dörd addımda
Konsultasiya
Vəziyyətinizi və ehtiyaclarınızı öyrənirik.
Təhlil
Sənədləri və şəxsi hesab vərəqəsini yoxlayırıq.
Təklif
İş həcminə uyğun fərdi təklif və müqavilə.
İcra
İşi müddətində görür, sizi mütəmadi məlumatlandırırıq.
Tez-tez verilən suallar
Kameral yoxlama məktubu gəldi. Nə etməliyəm?
Məktubda göstərilən müddətdə (adətən 5 gün) əsaslandırılmış yazılı izahat və ya dəqiqləşdirilmiş bəyannamə təqdim edilməlidir. Cavab verilmədikdə vergi orqanı öhdəliklərinizi yenidən hesablaya bilər. Məktubu bizə göndərin, kənarlaşmanın səbəbini müəyyən edib cavabı hazırlayaq.
Vergi orqanı sənəd istədikdə nə qədər vaxtım var?
Vergi Məcəlləsinin 42.4-cü maddəsinə görə tələb olunan sənədlər 10 iş günü ərzində təqdim edilməlidir. Gecikmə və ya təhrif olunmuş məlumat 1000 manat maliyyə sanksiyasına səbəb olur (maddə 57.3).
Gecikmiş vergi borcuna nə qədər faiz hesablanır?
Ödənilməmiş məbləğə gecikdirilən hər gün üçün 0,1% faiz hesablanır. Ona görə ödənişlərin vaxtında edilməsi vacibdir.
Sadələşdirilmiş vergidən nə vaxt çıxmaq lazımdır?
Ardıcıl 12 ay ərzində əməliyyatların həcmi 200 000 manatı keçdikdə. Həddi aşdıqda sadələşdirilmiş vergidə yalnız ictimai iaşə qala bilər (8%). Biz dövriyyənizi hər ay izləyir və həddə yaxınlaşdıqda əvvəlcədən xəbərdarlıq edirik.
Bunlar da sizə lazım ola bilər
Sualınız var? İlk konsultasiya pulsuzdur.
WhatsApp-a yazın, iş günü ərzində cavab veririk.