Əməkhaqqı kalkulyatoru 2026
Hesablanmış əməkhaqqından əlinə çatan məbləği, əlinə çatandan hesablanmış məbləği və işəgötürənin ümumi xərcini 2026-cı il qanunvericiliyinə görə hesablayın: gəlir vergisi, sosial sığorta, işsizlikdən və icbari tibbi sığorta.
meridiantax.az · [email protected] · 070 598 13 33
Bir neçə güzəşt hüququ varsa, məbləğcə ən böyüyü tətbiq olunur (VM 102.7). Himayə güzəşti (50 ₼) və 200 manat azadolma ona əlavə edilir. Güzəştlər sənədlə təsdiqlənməli və yalnız əsas iş yerində tətbiq olunur.
Əlavə: mükafat, natamam ay, işçi sayı
Əməkhaqqı hesablanması, bəyannamələr və kadr uçotunu biz aparaq?
Mütəxəssisə yazınHesablama məlumat xarakterlidir və hüquqi məsləhət deyil. Əsas: Vergi Məcəlləsi (maddə 101.1, 101.1-1, 102), "Sosial sığorta haqqında", "İşsizlikdən sığorta haqqında" və "Tibbi sığorta haqqında" qanunlar, 01.01.2026-dan qüvvədə olan redaksiyalar. Son yoxlama: 24.10.2026.
2026-cı il üzrə əməkhaqqı dərəcələri
Qeyri-neft-qaz özəl sektoru: gəlir vergisi
| Aylıq vergi tutulan gəlir | 2026 | 2027 | 2028 |
|---|---|---|---|
| 2 500 ₼-dək | 3% | 5% | 7% |
| 2 500 – 8 000 ₼ | 75 ₼ + 10% | 125 ₼ + 10% | 175 ₼ + 10% |
| 8 000 ₼-dan çox | 625 ₼ + 14% | 675 ₼ + 14% | 725 ₼ + 14% |
Əsas iş yerində aylıq gəliri 2 500 manatadək olanların 200 manatı vergidən azaddır.
Qeyri-neft-qaz özəl sektoru: sığorta haqları
| Ödəniş | İşçi | İşəgötürən |
|---|---|---|
| Sosial sığorta (DSMF) | 200 ₼-dək 3%, artıq hissədən 10% | 200 ₼-dək 22%; 200–8 000 ₼ 15%; 8 000 ₼-dan çox 11% |
| İşsizlikdən sığorta | 0,5% | 0,5% |
| İcbari tibbi sığorta | 2 500 ₼-dək 2%, artıq hissədən 0,5% | 2 500 ₼-dək 2%, artıq hissədən 0,5% |
Dövlət və neft-qaz sektoru
| Ödəniş | İşçi | İşəgötürən |
|---|---|---|
| Gəlir vergisi | 2 500 ₼-dək 14%; artıq hissə: 350 ₼ + 25% | — |
| Sosial sığorta (DSMF) | 3% | 22% |
| İşsizlikdən sığorta | 0,5% | 0,5% |
| İcbari tibbi sığorta | 8 000 ₼-dək 2%, artıq hissədən 0,5% | 8 000 ₼-dək 2%, artıq hissədən 0,5% |
Tez-tez verilən suallar
2026-cı ildə özəl sektorda gəlir vergisi necə hesablanır?
Qeyri-neft-qaz sektorunun özəl bölməsində 2026-cı ildə aylıq gəlirin 2 500 manatadək hissəsinə 3%, 2 500–8 000 manat arası hissəyə 10%, 8 000 manatdan yuxarı hissəyə 14% tətbiq olunur. Dərəcə 2027-ci ildə 5%-ə, 2028-ci ildə 7%-ə qalxır (VM 101.1-1).
200 manatlıq azadolma nədir?
Əsas iş yerində aylıq gəliri 2 500 manatadək olan işçinin gəlirinin 200 manatı gəlir vergisindən azaddır (VM 102.1.6). Gəlir 2 500 manatdan çox olduqda bu azadolma tətbiq edilmir. Əsas iş yeri əmək kitabçasının saxlandığı yerdir.
1 500 manat əməkhaqqından əlinə nə qədər çatır?
Özəl sektorda 2026-cı ildə: gəlir vergisi 39 ₼, sosial sığorta 136 ₼, işsizlikdən sığorta 7,50 ₼, tibbi sığorta 30 ₼. Əlinə çatan 1 287,50 ₼, işəgötürənin ümumi xərci 1 776,50 ₼ olur.
Dövlət və neft-qaz sektorunda nə dəyişib?
Bu sektorlarda gəlir vergisi və sosial sığorta dərəcələri dəyişməyib: gəlir vergisi 2 500 manatadək 14%, yuxarı hissə 25%; sosial sığorta işçi 3%, işəgötürən 22%. Tibbi sığorta 8 000 manatadək 2%, yuxarı hissə 0,5%.
İcbari tibbi sığortada 2026-cı ildə nə dəyişdi?
Qeyri-neft-qaz özəl sektorunda 2 500 manatdan yuxarı hissəyə tibbi sığorta 2% əvəzinə 0,5% tətbiq olunur (işçi və işəgötürən üçün ayrıca).
Vergi güzəştləri birlikdə tətbiq olunurmu?
Şəhid ailəsi (800 ₼), müharibə veteranı (400 ₼), əlillik (200 ₼) və məcburi köçkün (100 ₼) kimi güzəştlərdən bir neçəsinə hüquq olduqda yalnız məbləğcə ən böyüyü tətbiq edilir (VM 102.7). Himayəsində azı 3 nəfər olanlara 50 ₼ güzəşt (VM 102.5) və 2 500 manatadək gəlirdə 200 ₼ azadolma (VM 102.1.6) buna əlavə olunur. Məsələn, özəl sektorda 1 500 ₼ maaşı olan müharibə veteranı üçün vergi tutulan gəlir 1 500 − 200 − 400 = 900 ₼, gəlir vergisi 27 ₼-dır.
Minimum əməkhaqqı nə qədərdir?
2026-cı ildə minimum aylıq əməkhaqqı 400 manatdır (01.01.2025-dən).
Əməkhaqqı və kadr uçotunu bizə həvalə edin
Hesablama, DSMF və vergi bəyannamələri, əmək müqavilələri: hamısı bir yerdə.